“Roodell Service” MChJ Kia, CHERY, LADA, Renault, HAVAL и Hyundai Tracks brendlarining Oʻzbekistondagi rasmiy servis markazi hisoblanadi va kafolat va kafolatdan keyingi xizmat koʻrsatishni taqdim etadi. Kompaniya 2019-yilda tashkil etilgan. Hozirgi vaqtda 3 ta filiali Toshkentda, 1 ta filiali Namanganda va 1 ta filiali Gulistonda joylashgan.

Xodimlarning umumiy soni 180 kishini tashkil etadi (har bir yoʻnalish boʻyicha brend menejerlari, kafolat muhandislari, texnik kuzatish va qoʻllab-quvvatlash boʻlimi xodimlari, texnik trenerlar). Kompaniyaning mexaniklari muntazam ravishda malaka oshiradilar va milliy texnik musobaqalarda sovrindor oʻrinlarni qoʻlga kiritib keladilar. 2023-yilda kompaniya mexaniklari MDHning barcha mamlakatlari oʻrtasida oʻtkaziladigan Kia Skill Cup Competition musobaqasida 3-oʻrinni egalladilar.

Kompaniyaning 2023-yildagi aylanmasi 33 milliard soʻmdan oshdi. Ish davomida
30 000 dan ortiq mijozlarga xizmatlar koʻrsatildi. “Roodell Service” MChJ Rival, Pandora, Poliplast kompaniyalarining rasmiy distribyutori hisoblanadi.

"ADMC DASAN" MChJ avtomobillar uchun plastik butlovchi qismlar ishlab chiqarishga ixtisoslashgan: old va orqa bamperlar, eshik qoplamalari, tom reylinglari, markaziy konsollar va avtomobil kuzovi va interyerining boshqa muhim plastik elementlari. Kompaniya 2023-yilda qo‘shma korxona sifatida tashkil etilgan. 2025-yil 27-may kuni esa uning tantanali ochilish marosimi bo‘lib o‘tdi. Ishlab chiqarish maydoni "Jizzax" EIZ hududida 0,62 gektarni tashkil etadi.

Loyiha avtomobil butlovchi qismlarini mahalliylashtirish bo‘yicha davlat strategiyasi doirasida amalga oshirilmoqda va birinchi navbatda Kia Sonet modeli, kelajakda esa ADM Global’ning barcha CKD modellari uchun butlovchi qismlarni ishlab chiqarishga qaratilgan

Birinchi bosqichda korxona yiliga 40 mingdan ortiq avtomobilni butlovchi qismlar bilan ta’minlash, jumladan, zaxiralarni omborlarda saqlashga mo‘ljallangan.

Qismlarni yig‘ish turli mamlakatlardan yetkazib beriladigan yetakchi Hyundai Motor Group va Kia Motors Corporation avtokonsernlari tomonidan ishlab chiqilgan OEM-subkomponentlardan amalga oshiriladi. Loyihaning asosiy logistika va savdo hamkori Hyundai Glovis India kompaniyasi hisoblanadi. Ishlab chiqarish uchun xomashyo Koreyaning Daeha, LG Chemicals va Samyang kabi jahon miqyosidagi yirik yetkazib beruvchilaridan, shuningdek, Toshkentdagi mahalliy MEP ishlab chiqaruvchisidan olinadi, bu esa mamlakat ichidagi ta’minot zanjirlarini mustahkamlash va yanada mahalliylashtirishga yordam beradi.

“KCC PAINTS” MChJ – avtomobillar uchun lak-bo‘yoq materiallari ishlab chiqarish tsexi bo‘lib, unda aralashtirish, kolerovka, ranglarni uyg‘unlashtirish kabi jarayonlar mahalliylashtirilgan. Korxona 2023-yilda tashkil etilgan bo‘lib, “Jizzax” EIZsidagi 0,35 gektar yer maydonida joylashgan.

Kompaniya AQSh, Koreya, Yaponiya, Xitoy, Hindiston, Saudiya Arabistoni, Malayziya, Singapur, Indoneziya, Vyetnam, Turkiya, Germaniya kabi dunyoning 12 mamlakatida fut printlarga ega. Kompaniyaning hamkorlari: avtomobil ishlab chiqarish gigant konsern Hyundai Motor Company va Kia Motors Corporation, Britaniya silikon mahsulotlarni ishlab chiqaruvchi Basildon korxonasi hamda DuPont – Paints & Coatings korxonasidir.

“DMC JIZZAKH” MChJ – avtomobillar eshiklari, derazalari, shiftlari, yukxonalari va dvigatel bo‘linmasi uchun rezina qistirmalari ishlab chiqarish tsexi bo‘lib, unda CMBni qorish va FMBni maromiga yetkazish, multishnekli ekstruziya, vulkanizatsiya, mayda yig‘ish kabi jarayonlar mahalliylashtirilgan. Korxona 2023-yilda tashkil etilgan bo‘lib, “Jizzax” EIZsidagi 0,35 gektar yer maydonida joylashgan.

Kompaniyaning asosiy hamkori DMC Inc. (Janubiy Koreya). Shuningdek, kompaniya GM Korea, GM Brasil, GM North America va UzAuto Motors kompaniyalari bilan yetkazib berish kelishuvini imzolagan.

“ADM ELECTRICS” MChJ avtotransport vositalari uchun elektr jihozlari, magnitafonlar, signallar, antennalar va boshqa butlovchi qismlar ishlab chiqarilmoqda. Korxona 2023-yilda Andijon viloyatining Asaka tumanida tashkil etilgan bo‘lib, 2024-yilning 31-may kuni esa o‘z faoliyatini boshladi. ADM Electrics’ning joylashgan umumiy yer maydoni 3,2 gektarni tashkil etib, unda umumiy maydoni 4,5 ming kvadrat metrga teng bo‘lgan ishlab chiqarish binolari joylashgan.

2024-yil oxiriga kelib xodimlar soni qariyb 300 nafar kishini tashkil etdi, 2025-yilning oxiriga kelib esa shtat 1200 nafarga yetishi kutilmoqda.

Yillik mahsulotlar hajmi: 100 000 ta avtomobil uchun sim jgutlari, 50 000 dona – multimedia tizimlari, dvigatel havo filtri, avtomobil antennalari va oyna ko‘targichlari, shuningdek, isitish, shamollatish va havoni tozalash tizimlari.

Kyungshin Corporation, DOOWON Climate Control, KM Digitech, DH Autoware, INZI Controls, A&P Machinery, INFAC, BZW, EMDEP TestBoards, Aptiv, Sumitomo Wiring System, Jeongwoo Industry, Korea Electric Terminal, UJU Electronics, HellermannTyton, Molex, TE Connectivity, Taeyoung Tape’lar kompaniyaning hamkorlaridir.