ADM STAMPING

“ADM STAMPING” MChJ – avtomobillar kuzovining shtamplangan panellarini ishlab chiqaruvchi korxonadir. Tsexta po‘lat listlarini kesish, avtomobillar kuzov qismlarini shtamplash va ularga shakl berish kabi jarayonlar mahalliylashtirilgan. Korxona 2024-yilning 17-yanvarida tashkil topgan bo‘lib, “Jizzax” EIZsidagi 4,7 gektar yer maydonida joylashgan, shundan 12 000 kv.m. – ishlab chiqarish maydonidir.

2025-yil uchun kutilayotgan ishchi xodimlar soni 74 nafarni tashkil etadi va ishlab chiqarish hajmining ortishida esa ishchi xodimlarning maksimal soni 150 kishiga yetkaziladi. Korxonaning quvvati yiliga 120 ming panel to‘plamlarini ishlab chiqarishga mo'ljallangan.

Panellarni presslar o‘rtasidagi transferida Janubiy Koreyaning ABB kompaniyasining zamonaviy 6 o‘qli robotlari qo‘llaniladi. Bugungi kunda korxona Kia Corporation, Hyundai Steel, Posco Steel, Hanwoo Global va Hyundai Corporation bilan hamkorlikni yo‘lga qo‘ygan.