07.11.2025

2025-yil oktabr oyida Kia, Chery va HAVAL avtomobillarining sotuvi

O'zbekistonda Kia, Chery va HAVAL avtomobil brendlarining rasmiy distribyutori bo'lgan ADM Global kompaniyalar guruhi barqaror natijalar va o'z modellariga doimiy talabni namoyish etib kelmoqda.

2025-yil oktabr oyi yakunlariga ko'ra, 1733 dona Kia, 1016 dona Chery va 916 dona HAVAL avtomobillari sotilgan. Mazkur natijalar xaridorlarning ishonchi va mahalliy bozorni rivojlantirishga qaratilgan ADM Global strategiyasining samaradorligini tasdiqlaydi.

Kia

2025-yil oktabr oyida Kia avtomobillari sotuvi 1733 donaga yetdi, bu esa brendga O'zbekiston bozorida sotuv hajmi bo'yicha peshqadamlardan biri sifatidagi maqomini saqlab qolish imkonini berdi.

Sotuvlarning asosiy ulushi an'anaviy ravishda brendning eng talabgir avtomobili bo'lgan Sonet krossoveriga to'g'ri kelmoqda - 1440 dona avtomobillar (Kia umumiy sotuv hajmining 83,1%).

Qolgan modellar orasida kichik farq bilan Seltos (77 dona) yetakchilik qilmoqda, Sportage (71 dona avtomobillar) va K5 biznes-sedani (69 dona avtomobillar) ham ishonchli o'rinlarni saqlab kelmoqda. Har uchala model ham munosib darajadagi ishonchlilik va qulaylikni namoyish etib kelishi, ularni oilaviy mijozlar va faol turmush tarzi uchun avtomobil tanlayotganlar uchun ayniqsa jozibador qiladi.

Boshqa modellar bo'yicha oy yakunlari:

• Carens - katta oilalar uchun 30 dona sig'imli krossoverlar;
• Bongo - 28 dona ishonchli tijorat avtomobillari;
• Sorento - premium toifadagi 12 dona qulay krossoverlar;
• K9 - 4 dona flagmanli biznes-sedanlar;
• Cerato - 1 dona ixcham va qulay sedan;
• EV6 - brendning ekologik texnologiyalarni rivojlantirish yo'nalishini aks ettiruvchi 1 dona elektromobil.

Chery

Chery brendi 2025-yil oktabr oyini 1016 dona sotilgan avtomobillari bilan yakunlab, bozordagi mavqeini mustahkamladi va xaridorlarning barqaror qiziqishini namoyon etdi. Sotuvning asosiy hajmini krossover va sedanlar tashkil etishi, brendning model turkumi keng qamrovli ekanligini ko'rsatadi.

Sotuv yetakchisi sifatida Tiggo 7 Pro hisoblanib, 399 dona avtomobillari bilan (39,3%) oyning eng ommabop krossoverlaridan biriga aylandi.

Ikkinchi o'rinda Arrizo 6 Pro (283 dona, 27,9%) - qulaylik va zamonaviy uslubni uyg'unlashtirgan tezkor sedan.

Uchinchi o'rinni Tiggo 2 Pro (214 dona avtomobillar, 21%) - hamyonbopligi va jozibador dizayni bilan xaridorgir hisoblangan ixcham SUV egallab turibdi.

Boshqa modellar - premium darajadagi jihozlanishga ega flagmanli Tiggo 8 Pro  krossoveri (104 dona) va 2025-yil 11-oktabrda Chery'ning birinchi gibrid avtomobili sifatida Arrizo 8 Hybrid (16 dona). Arrizo 8 Hybrid modeli ADM Jizzakh zavodida yig'ilmoqda va Chery brendi uchun yangi bosqichni - gibrid texnologiyalar davrining boshlanishi va O'zbekistonda mahalliy ishlab chiqarishning mustahkamlanishini belgilab berdi.

Chery innovatsiyalar, mahalliy yig'uv ishlari va sifatga e'tibor qaratgan holda O'zbekiston bozoridagi o'rnini mustahkamlashda davom etmoqda. Gibrid modelning muvaffaqiyatli tarzda boshlangani brendning zamonaviy, texnologik avtomobil sanoatiga strategik ahamiyatini tasdiqlaydi.

Haval

2025-yil oktabr oyida O'zbekiston bozorida faoliyat boshlaganiga ikki yil to'lgan HAVAL (Great Wall Motor) brendi 916 dona avtomobillarining sotilishi, ushbu ko'rsatkich sentabr oyiga (743 dona) nisbatan 23,4 foizga ko'pligini ko'rsatmoqda. Mazkur natija brendning barqaror o'sishi va xaridorlarning yuqori darajadagi ishonchini tasdiqlaydi.

Sotuvlar bo'yicha mutlaq yetakchi sifatida M6 bo'ldi - 596 dona avtomobillarni tashkil etishi (HAVAL umumiy sotuvining 65,1%), ushbu modelni o'sish bo'yicha asosiy drayveriga aylantiradi.

Ikkinchi o'rinda zamonaviy dizayn va qulaylikni uyg'unlashtirgan Jolion (211 dona, 23%) krossoveri. Aynan ushbu dinamik, texnologik va mamlakatimiz uchun moslashtirilgan krossover ADM Jizzakh zavodining konveyeridan chiqqan 10 000-HAVAL avtomobili sifatida bo'ldi.

Uchinchi o'rinni mijozlarning yanada texnologik yechimlarga qiziqishini tasdiqlaydigan H6 krossoveri egalladi (72 dona, 7,9%).

Bundan tashqari, oktabr oyida mijozlar quyidagilarni o'zlariga ma'qul deb topishdi:

• Dargo - 18 dona yo'ltanlamaslar;
• H9 - faol dam olishni xush ko'ruvchilar uchun 14 dona ramali yo'ltanlamaslar;
• GWM Wingle 7 - tijorat sektorida talab yuqori hisoblangan 5 dona pikaplar.

O'zbekiston bozorida ikki yilligini nishonlayotgan HAVAL (Great Wall Motor) ishonchli o'sishni namoyish etib, krossoverlar va yo'ltanlamaslar segmentida o'z nufuzini mustahkamlamoqda.