26.09.2024

“Automotive Industry Tashkent 2024”da Kia, CHERY, HAVAL, Hyundai Truck & Bus

2024-yil 23-25-sentabr kunlari poytaxtimizda bo‘lib o‘tgan “Automotive Industry Tashkent 2024” xalqaro ko‘rgazmasi yakunlandi. Ko‘rgazmada Kia, CHERY, HAVAL (Great Wall Motor), Hyundai Truck & Bus avtomobil brendlarining O‘zbekistondagi rasmiy distribyutori, ADM Global kompaniyalar guruhi ishtirok etdi.

Ko‘rgazmada quyidagi brend modellari namoyish etildi:

• Kia: Seltos, Sonet, Sorento, Sportage, Carens, Carnival, Cerato, K5, K8, K9 va Bongo;
• CHERY: Arrizo 6 Pro 2024, Tiggo 7 Pro 2024 va Tiggo 8 Pro Max 2024;
• HAVAL: M6, Jolion va Dargo;
• GWM Wingle 7;
• Hyundai Truck & Bus: Mighty EX8.

“Automotive Industry Tashkent 2024” ko‘rgazmasida ADM Global kompaniyalar guruhining pavilon ichida ham, avtoturargohda ham joylashgan stendlari qulay va texnologik avtomobillar hamda ularning xususiyatlari bilan tanishish istagida bo‘lgan aksariyat ishtirokchilarni o‘ziga jalb qildi.

O‘z navbatida, “Automotive Industry Tashkent 2024”ga tashrif buyurgan Dmitriy shunday dedi: “ADM Global’ning ko‘rgazmadagi ishtiroki barcha avtomobil muxlislari uchun haqiqiy sovg‘a bo‘ldi. Uzoq vaqt davomida krossover sotib olishni o‘ylayapman. Kia, CHERY va HAVAL avtomobillari o‘zining qudrati va jihozlanishi bilan meni hayratda qoldirdi. Tez orada o‘z tanlovimni qilaman! Bozorning eng zamonaviy talablariga javob beradigan keng turdagi avtomobillarni ko‘rish quvonarli bo‘ldi”.

“Ko‘rgazmada men Hyundai Mighty EX8 ning barcha afzalliklarini baholashga muvaffaq bo‘ldim. Ushbu yuk mashinasi har qanday vazifani bajara oladi va yengil modellarga ajoyib to‘ldiruvchi sifatda bo‘ldi. Avvalroq men uning test-drayvida ishtirok etishga muyassar bo‘lganman. Yuk avtomobilining shinam saloni va qulay boshqaruviga alohida e’tibor qaratmoqchiman. Mening fikrimcha, mazkur ko‘rsatkichlar bo‘yicha Mighty raqobatchilardan sezilarli darajada ustun hisoblanadi. ADM Global haqiqatan ham o‘z qudratini va bozor ehtiyojlarini tushunishini namoyish etdi” – deb Abror o‘z zavqli fikrlarini qoldirdi.

Avtomobillarga texnik xizmat ko‘rsatish uchun ehtiyot qismlar, avtomobil komponentlari, uskunalar va tovarlar bo‘yicha “Automotive Industry Tashkent 2024” xalqaro ko‘rgazmasida 150 dan ortiq kompaniyalar ishtirok etdi. Ko‘rgazmaning asosiy vazifasi mahalliy brendlar uchun yangi istiqbollar, aloqalarni o‘rnatish va B2B va B2C bitimlarini amalga oshirish uchun imkoniyat beradigan noyob platformani yaratishdan iborat edi. Shuningdek, ko‘rgazma ishtirokchilarga avtomobilsozlik sanoatining rivojlanishidagi dolzarb yo‘nalishlar bilan tanishish imkonini berdi.

O‘zbekistonda Kia avtomobillarining tavsiflari, mavjud komplektatsiyalari va narxlari bilan kia.uz, CHERY – cheryauto.uz va HAVAL – haval.uz saytlarida tanishishingiz mumkin.