16.12.2024

Kia, Chery, Haval (Great Wall Motor) va Hyundai Truck & Bus Respublika tarmoqlararo sanoat yarmarkasida

2024-yilning 10-13-dekabr kunlari O‘zbekistonda Kia, Chery, Haval (Great Wall Motor) va Hyundai Truck & Bus avtomobil brendlarining rasmiy distribyutori bo‘lgan ADM Global kompaniyalar guruhi Respublika tarmoqlararo sanoat yarmarkasida ishtirok etdi. Toshkent shahridagi “O‘zekspomarkaz” milliy ko‘rgazmalar majmuasida bo‘lib o‘tgan tadbir zamonaviy, innovatsion va xavfsiz avtomobillarni namoyish etish, shuningdek, ishbilarmonlik aloqalarini mustahkamlash uchun muhim maydon bo‘lib xizmat qildi.

ADM Global kompaniyalar guruhining ham pavilon ichida, ham avtoturargohda joylashgan stendlari keng auditoriya, jumladan, biznes, davlat tuzilmalari vakillari va xususiy mijozlarning e’tiborini tortdi. Bu yerda innovatsion xususiyatlari va ishonchliligi bilan ajralib turadigan bir qator avtomobillar taqdim etildi:

• Haval H9;
• GWM Wingle 7 и Wingle 7 Modified;
• GWM Tank 500;
• Chery Tiggo 2 Pro;
• Kia Sonet;
• Hyundai Mighty EX8.

Ko‘rgazma mehmonlari har bir model, ularning funksional xususiyatlari va imkoniyatlari bilan batafsil tanishishlari, shuningdek, hamkorlikning alohida shartlarini muhokama qilishlari mumkin edi.

Xulosa qilib shuni aytish mumkinki, O‘zbekiston Respublikasi Vazirlar Mahkamasi, O‘zbekiston Respublikasi Investitsiyalar, sanoat va savdo vazirligi hamda Toshkent shahar hokimligi ko‘magida tashkil etilgan Respublika tarmoqlararo sanoat yarmarkasi biznesning o‘sishi va sheriklik munosabatlarini rivojlantirish uchun yangi imkoniyatlar ochishga xizmat qildi. ADM Global kompaniyalar guruhi esa o‘z ishtiroki bilan mamlakat avtomobilsozlik sanoatiga qo‘shgan hissasini namoyish qildi.